IGAXES – Galicia
Currículum vitae
Carlos Rosón Varela.
Licenciado en Dereito.
Máster en Xestión e Dirección de Entidades Sociais, Culturais e Sociosanitarias.
Máster en Markenting, Consultoría e Comunicación Política.
Esade Executive Education en Xestión e Dirección de ONG´s e Liderado e Innovación Social.
Director Xeral de Igaxes (www.igaxes.org) Presidente da Federación “Jóvenes e Inclusión” (www.joveneseinclusion.org).
Director do Centro Faia de Investigación e Documentación Social da Fundación Trébol de Iniciativa Social (www.fundaciontrebol.org).
Foi profesor da Escola de Traballo Social da USC e coordinador e profesor de distintos Máster, Posgraos e Cursos de Especialización sobre autonomía de mocidade do Sistema de Protección das Universidades de Santiago, Vigo e Málaga.
Autor de diversas publicacións sobre xuventude en risco de exclusión (nova pornografía on line, éxito escolar e autonomía de mocidade do sistema de protección) (https://www.researchgate.net/profile/Carlos-Roson)
Relatorio
MESA REDONDA
“Boas prácticas en rede social de apoio e participación”
“Reforzando a rede social de apoio das mozas e mozos do sistema de protección: Programa Referentes. Durante a adolescencia a maioría das persoas contamos con referentes dentro da nosa familia, pero non todas as mozas e mozos tutelados contan con esta rede fundamental. As persoas adultas que forman parte da súa vida pertencen ao sistema de protección de menores… precisan persoas alleas ao mundo do social para ter espellos nos que mirarse, necesitan ampliar o seu tecido social con relacións duradeiras e de calidade.
As e os mozos que participan no programa Referentes atópanse na fase de saída do Sistema de Protección de menores. A emancipación está próxima e enfróntanse a ela sen o apoio insustituíble da súa familia. No seu camiño cara á vida adulta, cargado de inseguridade e incertezas, as persoas referentes deben ser as súas acompañantes, servirlles de apoio, acercarlles seguridade.
As e os mozos participantes necesitan persoas adultas que lles dean o seu apoio e a súa confianza, que os acepten e que lles fagan sentir que son importantes para elas ou eles. A maioría tiveron moi poucas oportunidades na vida de sentirse así.
Neste relatorio abordamos as fortalezas, debilidades e retos que este modelo de mentoría expón.
