Asociación Educativa Itaca, Cataluña
Currículum vitae
Traballadora Social pola Universidade Rovira i Virgili, leva preto de 20 anos vinculada a distintos movementos asociativos e aos seus órganos de goberno, relacionados coa educación no tempo de lecer, Acción social e intervención comunitaria e en organizacións de sensibilización das desigualdades do norte-sud global.
Actualmente Subdirectora e Vicepresidenta da Associació Educativa Itaca, en Hospitalet de Llobregat (Cataluña), onde traballa desde 2007. Tamén é vicepresidenta da rede “Jóvenes e Inclusión” e membro da xunta directiva da Rede española Oikia de entidades de base comunitaria.
Experta en dirección e xestión de equipos, responsable da área de igualdade e feminismo da entidade, a súa traxectoria profesional estivo centrada na infancia, principalmente en situación de risco, en Centros Abertos (dispositivos da carteira de Servizos Sociais).
Relatorio
MESA REDONDA
“Boas prácticas no modelo de participación”
“Inserjove; Proxecto de acompañamento ao deseño do propio itinerario de vida laboral e formativo para xuventude cuxa casa de saída situase fora do taboleiro”.
O proxecto Inserjove, pretende ser un espazo de acompañamento á mocidade a partir dos 16 anos, onde proporcionar ferramentas e recursos para que elas e eles mesmos sexan os protagonistas do seu cambio. O principal obxectivo é deseñar e impulsar o seu proxecto vital de vida a nivel formativo e laboral. Todo este proceso realízase cun colectivo xuvenil dun contexto moi concreto da cidade de l’Hospitalet de Llobregat, no barrio de Collblanc La Torrassa. Un territorio cunha grande densidade de poboación, cun alto índice de persoas en situacións administrativas irregulares, con todas as barreiras extras que isto conleva. Mozas e mozos que na súa casa de saída comezan fora do propio taboleiro e que avanzan cun extra de peso ás súas costas, debido a todas as complexidades que as e os atravesan; barreiras idiomáticas, problemáticas de saúde mental, procesos de duelo migratorio, problemas habitacionais…
O proxecto fainos protagonistas, proporcionándolles, por unha banda, un espazo entre iguais de soporte onde sentirse parte dun grupo e onde poder crear vínculos que lles axuden a potenciar aspectos como a confianza e ampliar unha rede de soporte afectiva. Por outro lado, deseño de itinerarios a medida contemplando a súa situación global, para poder chegar onde elas e eles proxecten, incidindo na súa capacidade de resiliencia, de empoderamento e as súas habilidades e capacidades. Dotándoos, de recursos equitativos para que poidan acceder tanto formativamente como laboralmente coas mesmas facilidades que outras e outros, avanzando entre as casas do taboleiro á mesma velocidade que o resto de xuventude que forman parte da súa mesma sociedade.
