Consellería de Política Social e Xuventude de la Xunta de Galicia
Currículum vitae
Licenciada en Dereito pola Universidade de Santiago de Compostela. No ano 1999 ingreso no corpo superior de Administración da Xunta de Galicia, desde onde desempeño diversos postos no ámbito dos recursos humanos e a xestión de axudas de I+D+i. No 2015 asumo a xefatura de servizo de Protección de Menores e en novembro do 2017 a subdirección xeral de Política Familiar, Infancia e Adolescencia, desde onde se xestionan e coordinan todas as actuacións no ámbito de protección á infancia e á adolescencia en Galicia, o sistema de xustiza penal xuvenil e os programas de apoio á familia. Participei como formadora e relator en distintas actividades en materia de adopción e acollemento, preparación para a vida independente en mozas do sistema de protección, análise da normativa en materia de protección á infancia ou sobre mozos infractores.
Relatorio
“O reto da desinstitucionalización”
Se a palabra é complicada de pronunciar, a consecución deste obxectivo é algo máis que un reto para todas e todos os que traballamos dunha ou outra forma no sistema de protección. Con este relatorio pretendo enumerar as dificultades existentes no sistema, as súas debilidades, pero, sobre todo, provocar diálogos construtivos que faciliten a creación de ideas innovadoras para conseguir o gran obxectivo final: acabar co círculo da exclusión e vulnerabilidade social das mozas e mozos do sistema de protección e as súas familias. Trataremos temas como os apoios nas situacións de risco, a importancia de crear referentes familiares, os programas de inserción socio laboral…
