Escola Superior de Educación do Instituto Politécnico de Porto
Currículum vitae
Doutorado pola Universidade de Santiago de Compostela desde 2003, completou o Título de Agregado (Pre-catedrático) en 2010 na Universidade de Trás-os-Montes e Alto Douro.
Desde 2009, é profesor na Escola Superior de Educación do Instituto Politécnico do Porto. É Presidente do Consello Pedagóxico da Escola de Educación, coordinador do Mestrado en Administración de Organizacións Educativas e investigador integrado no inED (Centro de Investigación e Innovación en Educación), e membro do seu Consello desde 2013. As principais áreas de investigación son as relacionadas coa Pedagoxía/Educación Social, especialmente, as relacionadas coa infancia e a mocidade en situación de risco, sistema de protección, benestar subxectivo e dereitos do neno, participación, atención residencial, coidado familiar e toma de decisións.
Relatorio
“A transición do sistema de acollemento á vida adulta: posibilidades e retos para o acollemento familiar”
O aumento da pobreza, o desemprego e as desigualdades que caracterizan os tempos actuais, dificultan que os mozos accedan a condicións que lles permitan vivir sós e adquirir progresivamente unha autonomía de vida.
En comparación co resto da poboación, os resultados de varios estudos indican que esta transición é aínda máis difícil para os mozos inmersos en procesos de protección e que se atopan no sistema de acollemento, debido ás vulnerabilidades asociadas á súa traxectoria, que se caracteriza, na maioría dos casos, por unha taxa menor de éxito escolar, atrasos no proceso educativo, así como dificultades condutuais, emocionais, sanitarias e sociais con compañeiros e outros adultos. Todos recoñecemos a necesidade dun maior número de programas de apoio para o empoderamento destes mozos e de garantirmos as mellores condicións para a construción da súa independencia efectiva. Un dos mellores indicadores da calidade da protección non é tanto o que sucede durante a estadía, senón a posibilidade de alcanzaren a inclusión social despois de saíren do sistema.
Nesta presentación e, despois dunha breve contextualización sobre as medidas de acollida dentro do sistema portugués de protección de mozos e mozas en risco, buscamos reflexionar sobre os programas, procesos e medidas de apoio existentes no sistema de protección, así como sobre a importancia da participación na transición da atención residencial e familiar á autonomía de vida.
