Universidade Pontificia de Comillas
Currículum vitae
Doutora en Psicoloxía e diplomada en Traballo Social, é profesora do departamento de Socioloxía e Traballo Social da Facultade de Ciencias Humanas e Sociais da Universidade Comillas de Madrid.
A súa actividade docente céntrase na intervención social individual e familiar e a supervisión profesional. As súas liñas principais de investigación son: pobreza infantil e exclusión social, proxectos de innovación no ámbito socioeducativo e transicións vitais e soidade xuvenil. É asesora científica do proxecto CaixaProinfancia na Comunidade de Madrid.
Relatorio
“Variables que inciden no éxito educativo en contextos de vulnerabilidade”
Neste relatorio preséntase unha análise das variables que fundamentalmente contribúen ou dificultan o éxito educativo do alumnado en situación de vulnerabilidade, achegando resultados de investigacións académicas neste ámbito, así como datos sociodemográficos e educativos de entidades e organismos relevantes. Realízanse algunhas propostas de intervención para a promoción do éxito educativo.
