Trinity College Dublín
Currículum vitae
Robbie Gilligan é profesor emérito na Escola de Traballo Social e Política Social do Trinity College de Dublín. Realizou un amplo número de publicacións relacionadas coas experiencias de nenas, nenos e mocidade no sistema de protección tanto dentro como xa fora do acollemento residencial, e adultos con experiencia no acollemento (cunha forte focalización nas súas traxectorias laborais e educativas).
Outros intereses relacionados inclúen explorar as experiencias das egresadas e dos egresados do sistema de acollemento a través de varias perspectivas teóricas, por exemplo, a teoría do curso da vida, a axencia persoal, os puntos de inflexión e a resiliencia. Consulte a páxina https://orcid.org/0000-0002-4150-3523 para obter unha lista completa das súas publicacións e obras. Recentemente traballou como asesor informal (2021-22) nun informe da OCDE sobre a mocidade que abandona o sistema de acollida, a primeira intervención da OCDE sobre este tema: Mellorar os resultados socioeconómicos das e dos egresados do sistema de acollemento | A Rede de Foros da OCDE (oecd-forum.org).
É membro de varios consellos editoriais de revistas e de redes de investigación, incluída a Xunta da Asociación Científica Europea para o Acollemento Residencial e Familiar, e de Intrac.
Relatorio
“O apoio á mocidade nas súas transicións dende o sistema de acollida: unha perspectiva internacional sobre cuestións e desenvolvementos clave”
Esta presentación revisará a evidencia internacional sobre os problemas máis relevantes aos que se enfrontan as e os mozos egresados do sistema de acollemento a medida que levan a cabo a transición desde este sistema de tutela. Tamén, examinará, en certos países seleccionados, unha serie de desafíos e desenvolvementos prometedores no campo da política. Este relatorio revisará a evidencia internacional sobre os problemas máis relevantes aos que se enfrontan as e os mozos egresados do sistema de acollida a medida que levan a cabo a transición desde este sistema de tutela. Tamén, examinará, en certos países seleccionados, unha serie de desafíos e desenvolvementos prometedores no campo da política.
